Opkomende seminare
Vanaf die tweede semester van 2024 gaan ons 'n seminaarreeks aanbied oor leeskultuur en transtaligheid. Hierdie reeks sal fokus op die rol van leesbevordering in 'n multikulturele en meertalige samelewing, en hoe ons suksesvolle inisiatiewe uit die Lae Lande kan aanwend om 'n sterk leeskultuur in Suid-Afrika te vestig en uit te bou. Belangstellendes kan hieronder meer inligting vind oor die temas wat gedek gaan word, die program, en hoe om bydraes in te dien.
Oproep om bydraes:
Leeskultuur en transtaligheid
Agtergrond en fokus
In ’n wêreld waar globale en multikulturele uitruil toenemend voorkom, speel leeskultuur ’n sleutelrol in die bevordering van meertaligheid en kulturele interaksie. In Suid-Afrika se diverse literêre landskap is daar ’n rykdom aan voorbeelde van translinguale en meertalige poëtika. Gedurende die tweede semester van Samespraak gaan ons poog om hierdie rykdom verder te verken en te versterk.
Ons wil besonder aandag gee aan hoe inisiatiewe uit die Lae Lande, soos Stichting Lezen en Iedereen Leest, ons kan lei in die bou van ’n sterk leeskultuur in Suid-Afrika. Die Lae Lande het suksesvolle programme geïmplementeer wat die leeservaring van kinders en volwassenes bevorder, van strukturele stimuleringsprogramme tot digitale leesomgewings. Wat kan ons leer van hierdie benaderings, en hoe kan ons dit toepas om leesbevordering in Suid-Afrika te verbeter?
Oproep om bydraes
Ons nooi navorsers uit om gedurende die tweede semester van 2024 referate te lewer wat die volgende temas aanspreek:
· Die invloed van trans- en meertalige poëtika ter bevordering van ’n leeskultuur in die Suid-Afrikaanse konteks.
· Ondersoek na suksesvolle inisiatiewe ter vestiging en uitbreiding van leeskultuur in Suid-Afrika, insluitend praatjies, onderhoude, en ander navorsingsbenaderings.
· Voorbeelde van suksesvolle leesbevorderingsprogramme in die Lae Lande en hul toepasbaarheid in Suid-Afrika.
· Diskoersmatige benaderings tot die bevordering van lees in multikulturele en meertalige gemeenskappe.
· Praktiese implementering van leesbevorderingsinisiatiewe wat die rol van skole, biblioteke, en gemeenskappe insluit.
Rooster vir aanbiedings: Augustus, September en Oktober 2024 – Suid-Afrika-tyd (UTC+2)
Woensdag, 28 Augustus 2024
Tydsgleuf
Naam, van en e-posadres
14:00-14:30
14:30-15:00
15:00-15:30
Woensdag, 25 September 2024
Tydsgleuf
Naam, van en e-posadres
14:00-14:30
14:30-15:00
15:00-15:30
Woensdag, 30 Oktober 2024
Tydsgleuf
Naam, van en e-posadres
14:00-14:30
14:30-15:00
15:00-15:30
Laaste datum vir die skiet van tydsgleuf: 14 Augustus 2024. Stuur asb. jou voorgestelde tydsgleuf aan erouxap@unisa.ac.za.
Hierdie oproep sluit aan by Samespraak se eerste semester-aanbiedings en oproep om bydraes vir Journal of Literary Studies (reds. Alwyn Roux & Yves T’Sjoen, 2025) se spesiale uitgawe oor die verkenning van translinguale poëtika en meertaligheid in Suid-Afrikaanse literatuur.
Lees hier vir meer inligting: https://unisapressjournals.co.za/index.php/jls/announcement/view/156.
Kontrak gerus die Samespraak-bestuur vir meer inligting:
Alwyn Roux: erouxap@unisa.ac.za
Unathi Ngada: ngadaun@unisa.ac.za
Yves T’Sjoen: yves.tsjoen@ugent.be
Iincoko (isiXhosa) | Same(n)spraak (Afrikaans-Dutch) | Conversations (English)